Влијателното германско списание „Шпигел“ за првпат во 66 годишната историја излезе со текст на насловната страница на турски јазик, со пораката„Не отстапувајте“, во знак на поддршка за учесниците на протестите против премиерот Реџеп Ердоган. На насловната страница се наоѓа фотографија од жена што носи плакат со истата порака.
Шпигел на десетина страници на двата јазика, турски и германски објави текстови за протестите кои со внимание се следат во целиот свет- токму и пораката на весникот е дека ваквиот потег претставува сигнал.
Во Германија живее најголемата турска заедница во странство, што брои три милиони Турци или граѓани со турско потекло.
Настаните во Турција, која официјално е кандидат за членство во ЕУ, изјавите на турскиот министер за ЕУ против Ангела Меркел, насилствата и поделбите, кои ги преживува турското општество не се во никој случај „внатрешно прашање“, како што смета премиерот Реџеп Таип Ердоган, наведува весникот.
Според весникот тоа ги засега сите, Турците и Германците, Германците со турско потекло и Европејците.
Односите меѓу Турција и Германија изминатата недела беа полни со тензија поради размената на остри критики меѓу Берлин и Анкара за антивладините протести во Турција.