Општинската изборна комисија во Битола потврди дека изутрината во 7 часот се отворени сите 152 гласачки места. Според Единствениот избирачки список за битолската локална самоуправа право на глас имаат 81.373 жители.
– Во текот на вчерашниот ден гласаа лица со проблеми во здравјето, а за кои претходно беше констатирано дека не се во можност лично денес да гласаат, како и лица што издржуваат казна затвор или притвор во битолскиот затвор. За вчерашното гласање беа пријавени 209 лица со здравствени проблеми и 44 лица затвореници во битолскиот затвор, потврди Зоран Насев, претседател на ОИК-Битола.
Општинската изборна комисија во Могила потврди дека утрово во 7 часот почна вториот круг од локалните избори
Локалните избори во општина Могила се одвиваат на 23 гласачки места, а според Единствениот избирачки список право на глас имаат 5.476 жители.
– Во текот на вчерашниот ден гласаа лицата кои имаат здравствени проблеми, и на кои согласно закон им беше овозможено да гласаат во својот дом. Правото на глас го искористија 86 од вкупно пријавни 91 гласач од општина Могила, потврди Весна Ристевска, член на општинската изборна комисија.
Сите 128 избирачки места во Куманово се навреме отворени, информираат од Општинската изборна комисија. Право на глас имаат 88.708 гласачи.