Лесно е да се занемари изледот на училиштето или универзитетот. Се додека е функционален, она за што родителите се позагрижени се распоредот на часови, предметите, кавлитетот на учењето и резултатите од тестирањата.
Но, начинот на кој едукативните згради се дизајнирани, од училниците во основните училишта, до колективните простори на универзитетските кампуси, може да имаат големо влијание врз учењето.
До толку што, Американскиот институт на архитекти има посебен Комитет за архитектура за едукација, кој е воспоставен да истражува и да ги споделува најдобрите светски учења за архитектурата.
Тие неодамна одбраа 12 иновативни, осмислено дизајнирани училишта за овогодинешните награди за Едукативни просторни дизајни.
Си-ен-ен Стајл разговараше со Џон Дејт, претседателот на Комитетот, за да научи кои се најважните лекции за добар школски дизајн.
Бојата е критична
– Бојата е екстремно важна. Направени се многу истражувања и теории кои покажуваат како одредени бои влијаат стимулативно. Во САД, ние сме поконзервативни во врска со боите, особено во типичните јавни училишта, има мислење дека не треба да има многу светли бои, бидејќи тие ќе ги деконцентрираат децата и ќе ги направат хиперактивни.
Но штом отидете во Европа, ќе видите училишта кои се потполно обоени. Тие се волшебни, ангажирани едукативни опкружувања и не изгледаат како нешто да не е во ред. Па, мислам дека имаме уште многу да учиме.
Внесете ја природата внатре
Ученичките искуства внатре и во природа се многу важни и најефективните учители го разбираат тоа. Тие го користат тоа и бараат од учениците да бидат свесни за нивната околина.
Моторичките вештини и заедничките активности бараат поголеми простори, но ако обезбедите отворени простори кои се приватна територија во склоп на училишниот простор, тогаш на учениците им се овозможува да можат да влегуваат и излегуваат во зависност од училишните активности.
Една големина не им одговара на сите
Денес една големина не им одговара на сите, децата учат на различни начини. Затоа, се уште сме во потрага по различни училишни опкружувања, да крераме различни прилагодувања за училиштата кои ги создаваме, каде учењето може да се одвива ефективно.
Како пример за нешто што може да се направи во релативно мал простор, се вертикалните градини.
Глобални принципи, локални градби
Со интернетот и глобализацијата, има универзални принципи за дизајн на училишта. Но, исто така треба да дизајнираме имајќи конкретен простор на ум. Од таа гледна точка, мислам дека добрите училиша покажуваат регионални разлики кои го вадат најдброто од секоја средина.
Дизајнот за посебни потреби е често најдобриот дизајн
Она што треба да го правиме е да учиме од дизајните на училиштата за деца со специјални потреби, затоа што најдобрите што сум ги видел се мошне успешни. Колку повеќе навлезете во тоа, ќе откриете дека создавате простор во кој сите деца би требало да ја следат нивната настава.
Модернизација на училишната околина
Денес, многу од средините кои ги креираме се од 19 век. Тоа се индивидуални училници кои се подредени, тие се навистина дизајнирани да бидат користени на еден начин, но секако тоа не се случува денес.
Децата денес учат на разни начини и имаат пристап до повеќе знаење на рана возраст. Фокусот сега треба да биде на тоа како индивидуално да се истражува ефективно, како да се соработува и поврзува со други дисциплини и да се создаде повеќе персонализирана слика на светот.
Креирајте специјализирани простори
Една од работите на која е интересна за да се размисли е тоа колку време ученикот ќе помине во дадениот простор. Ако помислите на универзитетска околина, најверојатно ќе сфатите дека најиновативни и за паметење се колективните простори.
