Борче Трајковски: Во нив нема елементи на разум, нема ништо, и затоа ги нарекувам празни. А постојат, тука се, секојдневно ги сретнувам, секојдневно се соочувам со нив, често пати се обидувам да им докажам нешто, се обидувам да ги наполнам барем со еден разумен елемент, да направам пресек меѓу нив и мене, џабе.
Тие не поднесуваат да бидат други множества освен празни во разумот, дури и тоагш кога се негирани од сопствената вистина. Тука нема помош од разумни заклучоци и дејствија. Можеме да ја изнесуваме вистината, да ја елаборираме, анализираме и да ја потврдуваме, да ја покажуваме и репродуцираме по сто пати, да ја запечатуваме, пак џабе.
Нивните лажно вистински убедувања победуваат. Тука, раздалеченоста на едни од други се мери во светлосни часови и минути. Помногубројни се, ни нема спас, за жал…
Како инаку на овој натрупан “патриотски“ идиотизам да му докажеш дека претседателката Гордана Силјановска Давкова е северџанка бр.1, кога јасно и гласно изговара Северна Македонија, а се колнеше пред нив дека тоа од нејзина уста никој нема да го слушне?
Како тоа, првиот човек на “најпатриотското“ крило во ДПМНЕ Александар Пандов со сласт изговара Северна Македонија и се повикува на преспанскиот договор дека не може другачие, дека тоа не може да го смени, а се колнеше дека на ДПМНЕ тоа ќе му биде прва и најприоритетна задача – поништување на преспанскиот договор, и, замислете, јавно на ТВ екраните тврдеше дека, ако од кој било член на ДПМНЕ се слушне Северна, ќе се соочи со невидена изолација, шиканирање, отстранување од партијата и барање оставка од каква било позиција која ја стекнал зарди партијата?
А нема пратеник, пратеничка, директор, премиер, претседателка и министер кои толку лесно изговараат Северна, да помислиш дека овие се вистинските потписници на Преспанскиот договор, а не Заев & компани.
И како тоа јас сум и понатаму севрџан за нив, а овие кои вчера, денес, утре и задутре од нивните началства ќе речат Северна, не се Северџани?
А потазе и поголеми Северџани нема …
Чаре? Хмммм …
Не може да наполниш дупната вреќа …
Извор: Фејсбук