Поради можниот недостаток на кворум во парламентот, инаугурацијата на претседателот на Црна Гора, Филип Вујановиќ е сеуште неизвесна. Опозицијата најави бојкот на инаугурацијата.
Нова српска демократија, Движење за промени, Социјалистичка народна партија и Позитивна Црна Гора најавија бојкот на самиот акт.
Потребниот кворум за одржување на седницата е 41 пратеник од вкупно 81, кој во отсуство на опозицијата, и пратениците на помалите партии во владината коалиција не е можно да се обезбеди.
Во пресрет на инаугурацијата, утрово од Подгорица до Цетиње, започна „марш против мафијата“ на група од педесетина млади луѓе кои велат со тоа го искажуваат нивниот однос кон актуелната власт на Демократската партија на социјалистите (ДПС) на премиерот Мило Ѓукановиќ и Вујановиќ.
Филип Вујановиќ на претседателските избори на 7 април го победи противкандидатот Миодраг Лекиќ.