Цевките кои се користат за чистење на белите дробови, го оневозможуваат Нелсон Мандела да зборува, при што „таткото на Африка“ користи фацијални изрази за да комуницира со докторите и фамилијата.
„Тој останува многу чувствителен на било какви бактерии, затоа мора да се чува буквално во стерилна просторија“, вели Вини Мадикизела-Мандела. „Собата му е како оддел за интензивна нега“.
Според неа, Мандела и понатаму е во тешка здравствена состојба. Таа потенцира дека Манедла комуницира преку своето лице, но според докторите, ситуацијата ќе се подобри и тој ќе го поврати својот глас.
На 1 септември, светски-познатиот лидер беше отпуштен од болницата во Преториа, каде што беше на лекување уште од месец јуни.
На 8 јуни, поради инфекција во белите дробови тој повторно беше хоспитализиран.
Човекот кој претставува глобална икона, во јавноста се нема појавено неколку години, но неговата популарност како татко на демократијата и амблем на нацијата во борбата против апартхејдот и понатаму останува неоспорна. Мандела стана „меѓународна фигура“ за време на својот 27-годишен престој во затвор, борејќи се против апартхејдот, системот на земјата за расна сегрегација. Тој стана првиот црн претседател на земјата во 1994, четири години откако излезе од затворот.
Неговата историја со проблеми во белите дробови датира уште од времето кога беше во затвор на островот Робен, и се бори со потешкотии во дишењето уште од тогаш.