Нема да се случи колапс, ниту да букне епидемија од ХИВ. Нема да пропаднат програмите против СИДА, туберколоза и маларија чие финасирање од Глобалниот фонд завршува до крајот на месецот. Министерството за здравство ќе ги финансира и поддржи овие програми, вети денеска на прес конференција министерот за здравство Арбен Травари.
“Нема да се случи колапс, има одреден буџет во Министерството и заедно со останатите средства од Глобалниот фонд до крајот на годината ќе има финансиски средства за оддржливост на програмите. Станува збор за 6 милиони денари кои се надеваме дека ќе бидат доволни до крај на годината. За идната година ќе планираме како и за сите други за да се најде решение за 2018 година“, рече Таравари.
Доколку не се најдеше итно решение околу 10 000 луѓе кои употребуваат дероги и члени на нивните семејства ќе останат без соодветна здравствена заштита.
„Ова е итно решение. Доколку сакаме да останеме лидер во регионот со најниска стапка на ХИВ во Југоисточна Европа, доколку сакаме да спасуваме човечки животи, овие програми треба да продолжат со буџет од државата. Глобалниот Фонд изминатиот период, сите овие 13 години инвестираше 33 милиони долари, од кои 25 за ХИВ и 8 милиони долари за ТБЦ“, изјави Христијан Јанкуловски извршен директор на ХОПС.
Финансирањето од Глобалниот фонд завршува на 30 јуни и постои сериозна опасност овие програми да престана да функционираат, рече Влатко Деков од ХОПС.
„Македонија успеа да воспостави контрола и остане со ниска стапка на ХИВ токму заради овие сервиси во програмите кои спасуваат животи и влијаат врз превенцијата. Над 15 000 корсници се вклучени во овие услуги кои се надвор од здравствениот систем. Доколку продолжи финансирањето ќе се спречат 290 смртни случаи и 840 нови случаи. Остануваат осум дена до рокот, поминати се сите рокови и доколку не се интервенира треба да се стави клуч на овие програми“рече Елизабета Божиноска координатор на платформата за одржливост на програмите за превенција и поддршка на ХИВ.
ХОПС започнува со кампања „Со клучни одлуки до здрава заедница“ за континуирана финансиска поддршка за намалување на штети од употреба на дроги. Кмапањата е повик до носителите на одлуки за продолжување на проектите кои работата на превенција и унапредување на јавното здравје.