Нема преговори меѓу ЗНМ и Власта се додека не се решат случувањата од 24-ти декември во собрансиката галерија кога новинарите на сила беа истерани од своите работни места, информираат од Здужението на нвинари.
„Новинарите во мометов се економски робови, заради тоа што ги купуваат ги продаваат ги преместуваат во редакции каде што тие сакаат, ги преместуваат во други медиуми без да ги прашаат, им прават притисоци ги бркаат на улица и на крај ги плаќаат, не нив, туку газдите“, истакна Драган Антоновски, член на Здужението на новинари.
Од надлежните се уште нема никаков коментар за катастрофалниот пад на земјава на последниот извештај на репортери без граници, на кој Македонија забележа пад за 22 места и се најде на 116-тата позиција.
Во меѓувреме од новинарскиот синдикат информираат дека само за еден месец пристигнале голем број дојави за притисоци и закани врз новинари.
Доскорешниот одговорен уредник и новинар во телевизија Алфа, Зоран Иванов, денеска добил отказ, како што објавува порталот Либертас.
Решението за престанок на работниот однос му го дал еден од менаџерите, Младен Дамев. Образложението, според изворите на Либертас, било оти со новата програмска шема „немал доволен ангажман“.