Холандските експерти кои го истражуваат соборувањето на малезискиот „Боинг” сметаат дека записите од пилотската кабина се неповредени и не се фалсификувани, пренесе АФП.
-Рекордерот од пилотската кабина бил оштетен, но делот со меморијата е неповреден . Не се пронајдени докази или знаци за манипулација на рекордерот во пилотската кабина, рекоа од Холандскиот совет за безбедност (ХСБ).
Црните кутии на соборениот авион на малезискиот ерлајнс во моментов се анализираат во Велика Британија. Денес и тим од специјалисти ќе ја почне проверката на уредот, рекордерот и информации за летот.
Овој уред може да содржи корисни информации кои може да се комбинираат со информациите од црните кутии. Црните кутии, кои се всушност портокалова боја, беа доставени до Велика Британија од ХСБ, кој раководи со меѓународното истрага на авионската несреќа на тимови од 8 држави, вклучувајќи ја и Русија.
Проруски бунтовници, кои го контролираат реонот на несреќата, им ги предаода вчера црните кутии на малезиската власти Западните влади тврдат дека доказите покажуваат дека „Боинг” е соборен со ракета на проруски сепаратисти.
Се очекува од разговорите на пилотите да се разбере што се случило во последните секунди на летот MH17.
Сепак, поранешниот претседател на британското Кралско друштво за аеронаутика и член на Кралската академија на инженерските науки Стјуард Џон претпоставува дека информациите содржани во уредите информации може да се покаже како сосема бескорисни.