Израел нема да ја сопре операцијата во Газа, додека сите тунели изградени од страна на Хамас не се уништени, изјави премиерот Бенјамин Нетанјаху, јавува Би-Би-Си.
Говорејќи пред состанокот на кабинетот, Нетанјаху изјави дека Израел е решен да ги уништи тунелите “со или без прекин на огнот” според договорот.
Претходно, Израел повика 16.000 резервисти, со што вкупниот мобилизирани досега изнесува 86.000.
Околу 425.000 луѓе во Газа се раселени од борбите, соопштија ОН.
ОН вели дека згрижени се 225.178 Палестинци во 86 засолништа низ Газа, со повеќе од 200.000, кои се засолнети со семејството или пријателите.
Вкупниот број раселени изнесува 25% од сите од 1,7 милиони жители на Газа.
Израел ја почна Операцијата заштита на работ на 8 јули. Оттогаш барем 1.360 Палестинци се убиени, претежно цивили.