Незадоволсто и револт кај лицата со телесен инвалидитет од резулатите на огласот, каде конкурирале за работа во јавната администарција. Тие велат дека се најмалку застапени на конечаната листа на избрани кандидати и сметаат дека изборот е наместен.
Од 1.826 кандидати, избрани се 300 луѓе, кои прво ќе добијат работа во Македонски шуми, а подоцна ќе бидат прераспределени во други институции. Станува збор за лица со оштетен вид и слух, лица со пречки во гласот, говорот и јазикот, лица со телесна попреченост, како и лица со комбинирани пречки.
Некои здруженија од внатрешноста веќе одржуваат состаноци и ја разгледуваат можноста за протести, откога ќе помине рокот за жалби по осум дена.
-Јас конкурирав за помошен работник, бидејќи кога се повредив бев во средно училиште и немав можност за понатамошно школување, но имам многу бројни сертификати, уверенија од курсеви, обуки вели за НОВА Бранкица Димитровска која инвалидската количка не ја спречува да управува со волан и да биде активна во општествениот живот.
Бранкица вели дека медицинска документација може секој да набави и прашува зошто не ги повикале лично на разговор, да видат кој во каква здравствена состојба е.
На нивната заедничка Фејзбук станица може да се види незадоволството на голем број членови кои конкурирале,но се одбиени на огласот. Многумина го прашуваат претседателот на Мобилност –Македонија како е возможно луѓе со интелектуална попреченост да бидат примени како советници или референти, кога на тие работни места услов е да се има завршено факултет.
Некои реагираат бидејќи луѓе од некои градови како Охрид на пример, воопшто не се избрани, а нема ниту рамковна застапеност, односно по национална основа.
-Јас ве подржувам и потикнувам да поднесете жалби доколку сметате дека има неправилности во бодирањето или во работните позиции, иако министерот Спасов изјави дека молбите биле разгледувани и споредувани мултисекторски им одговара на своите членови, обидувајќи се да ја смири топката претседателот на Здружението, Бранимир Јовановски.
По објавувањето на листата на избраните кандидати министерот Спасов изјави:
– Рангирањето е максимално транспарентно, без учество на човечки фактор, електронски со посебен софтвер врз основа на податоците од апликациите кои се проверени и потврдени преку системите на државата со единствена цел, а тоа е да се даде шанса и да се вработат оние кои се во најтешка положба согласно критериумите и условите во самиот конкурс рече Спасов
Од 300 кандидати кои ќе бидат вработени, 160 се со ниско образование и тие ќе бидат вработени како помошни работници, 100 луѓе со средно и високо образование и тие ќе бидат референти и извршители, а останатите 40 со високо образование ќе бидат соработници, односно советници.