Сопственикот на новата телевизија ТВ Нова, Сеад Кочан, како сопственик на фирмата „Тансмет“ добил 700.000 евра од Владата на Никола Груевски само во 2014 година, објави денеска дополнителниот заменик-министер за земјоделство Љупчо Николовски.
– Уште еднаш се потврдува дека медиумскиот мрак, пропагандата и медиумските хајки се платени со пари на граѓаните. Сеад Кочан кој е сопственик на Трансмет и на ТВ Нова гледаме дека само во една година добил близу 700.000 евра буџетски пари, изјави Николовски надополнувајќи дека парите му се префрлени за чистење на канали.
Кочан парите ги добил за чистење на канали за одводнување и наводнување во 2014 а следната година, по овој тендер, во Македонија се случуваа пополави од неисчистени канали и напаравија штета од околу 5.3 милиони евра, обвини заменик-министерот.
Николовски неодамна објави дека во 2014 година, Никола Груевски на фирма на Љубисав Иванов Ѕинго, газдата на Сител телевизија, преку тендер од Министерството му дал речиси половина милион евра за истата услуга, односно чистење на канали за одводнување и наводнување, и тоа во време кога министерот Михаил Цветков бил член на Узвршниот одбор на „Силекс неметали“.
И заемник-министерот Александар Кирацовски неодамна соопшти дека само во Сител, Канал 5 и Алфа, во последните три години завршиле 13 милиони евра.