– Владата потврдува дека е на вистинскиот пат, има целосна поддршка во Собранието и не гледам причина за какви било промени, вели вицепремиерот за борба против корупцијата, Љупчо Николовски.
Тој ги упати новинарите прашањето дали во мај може да се очекува реконструкција на Владата, да му го постават на премиерот, кој воедно е и мандатар.
Според Николовски, оваа Влада неколку пати го потврдува парламентарното мнозинство, а од другата страна е опцијата која, за жал, ги потсети граѓаните на режимот во кој владееше.
-Прашањето може да му го поставите на мандатарот, а тоа е премиерот, кој може да предложи зависно од успешноста и исполнувањето на задачите на министрите. Оваа политичка Влада неколку пати го потврдува парламентарното мнозинство. Од другата страна имаме опција која, за жал, ги потсети граѓаните на режимот во кој владееше, на затворањето, несигурноста, тепачките и притисокот врз медиумите, на се она против кое се боревме. Денес имаме меѓународни инстутиции кои за среќа потврдуваат дека сме слободни, дека сме демократсјка земја која е е на вистинскиот пат. Реализираме проекти и за идните генерации, а еден од нив е Законот за потекло на имот од кој се плашат. Имаме програма за работа на Влада на чија реализација сме целосно фокусирани, како и мандатни писма по кои се раководиме. Очекувам силна поддршка и од граѓаните токму за овие крупни, историски, генерациски процеси во кои сме влезени и кои треба да ги истераме до крај, рече Николовски на прес-конференција во МЗШВ.
Во однос на денешниот извештај на „Фридм хаус“ смета дека тој апсолутно потврдува дека земјава е на вистинскиот пат.
– Фридм хаус нотира силен напредок и излегување од институционалната криза во која државата беше пред 2017 година, а пред се ги нотира слободата и демократијата како највисоки вредности според кои сме издвоени во регионот во тој дел на напредокот, вели Николовски.
Сите препораки во Извештајот, но и забелешки, истакна Николовски, се добредојдени и ќе бидат сериозно разгледани зашто се патоказ по кој треба да продолжиме да чекориме.
-Извештајот потврдува дека сме на вистинскиот пат, дека Северна Македонија се подобрува и излегува од периодот од 2017 година наваму, од ужасната состојба што оваа Влада ја има наследено и бележи постојан раст во делот на слободата и демократијата што е успешна приказна кој му е потребна на Балканот. Во Извештајот експлицитно се наведува дека левичарската Влада предводена од Зоран Заев ја поправа штетата нанесена врз институциите во претходниот период од десничарските популисти пред него. Извештајот целосно алармира генерално за падот на демократијата и лизгањето на многу системи кон авторитарност во регионот, притоа издвојувајќи ја Северна Македонија како успена приказна заедно со неколку земји. Извештајот е според односот на Владата кон институциите, медиумите, граѓанското општество, правосудството, локалното влдаеење и за оваа поставеност земјава бележи раст од 2017 до 2021 година во делот на демократското владеење, нагласи Николовски.
Сите забелешки во делот на правосудството и на различни сектори за кои, дополни, сите сме свесни и на кои сите напорно во овој и во периодот што следи треба напорно да работиме, ќе бидат длабински прегледани.