Кредитниот рејтинг на Македонија кај Standard&Poor’s, во однос на другите земји на Балканот, сега е на исто ниво како на Србија и Црна Гора, а повисок од рејтинзите на Албанија, Босна и Грција. Сите останати земји имаат повисок кредитен рејтинг од Македонија.
Рејтингот на Македонија изгледа дека мораше да падне зашто тој беше ист со оној на Романија, која е членка на Европската унија и на Хрватска, што, се чини е нереално ако се погледнат редица тамошни показатели, а особено со оглед на фактот што и Хрватска летово ќе стане членка на Европската унија.
Со овој нов и понизок кредитен рејтинг сега Словенија има оценка која е 5 нивоа повисока од онаа на Македонија, додека Бугарија има оценка која е 3 нивоа повисока од Македонија.
Кога станува збор, пак, за T&C рејтингот, кој ја мери веројатноста за конвертирање на добивката во странска валута и нејзино изнесување од земјата, тука Македонија им втор рејтинг одзади (ББ) пред Албанија, Србија и БиХ, кои имаат ББ-.
Сето ова покажува дека сегашниот кредитен рејтинг е прилично реален. Кредитниот рејтинг е помал од оној на Хрватска и еднаков на оној на Србија. А, кога станува збор за T&C рејтингот, тој е дури и подобар од оној на Србија.