Пратениците во Собранието на Косово денеска на 50-то продолжение на конститутивната седница не обезбедија избор на комисија за тајно гласање за претседател на парламентот.
Од 104 присутни пратеници, за избор на комисијата гласаа 53 пратеници, јави Бета.
Претседавачот Авни Дехари побара од партиите кои во минатиот состав беа во опозиција да предложат имиња на кандидати за комисијата која ќе го спроведува процесот на тајно гласање за избор на претседател на Собранието.
Пратеникот на Демократскиот сојуз на Косово (ДСК), Арменд Земај, изјави дека Дехари го „злоупотребува“ своето право да претседава со седницата, пратеничката на Алијансата за иднината на Косово, Тиме Кадријај, побара од службата на парламентот да го исклучи микрофонот.
Дехари рече дека не е дозволена дискусија и дека пратениците имаат право само да предложат имиња за комисијата за спроведување на процесот на тајно гласање.
Ниту денеска пратениците на Демократската партија на Косово, ДСК, Српската листа и коалицијата Алијанса за иднината на Косово (АБК) и Социјалдемократската иницијатива (НИСМА) не учествуваа во предлагањето и гласањето за изборната комисија.
Дехари го најави продолжението на седницата за среда, 23 јули