Ноќта помеѓу 31 октомври и 1 ноември, Американците одбележуваат еден од најпопуларните „празници“ – Halloween. Годинава се проценува дека ќе потрошат над 7 милијарди долари за подготовки на Ноќта на вештерките.
Најголем дел од сумата оди за купување, шиење или најмување на костуми. Американците по традиција сакаат да се маскираат како вештерки, зомби и вампири, или како популарни херои од анимирани или играни филмови или од романи.
Низ Њујорк се организира и голема парада по овој повод.
Потеклото на овој празник е од келтскиот фестивал на „Самаин“ и христијанскиот ден на „Сите светци“. Ова е народен празник, но некои христијани и пагани се посебно врзани со него.
Ирските доселеници во Северна Америка донеле со себе верзија на нивната традиција. Овој ден често е поврзан со црната и портокаловата боја, и посебно со симболот на тиква што свети.
Активностите поврзани со овој ден вклучуваат шеги, посетување на „проколнатите“ места, палење логорски оган, маскенбал, резбање тиквички, читање страшни приказни и гледање хорор-филмови.