Чекај малку збунет сум. Нормално е по секоја цена и заради инает да газиш по животите на иљадници?
Нормално е да им го ускратиш правото на избор затоа што си тргнал по погрешен пат и не сакаш да признаеш? Нормално е две децении да ги продаваш истите демагогии и да очекуваш некој да те слуша?
Нормално е она зад кое си застанал со име и презиме со години да го погазиш заради беден личен интерес?
Нормално е цел живот да го кривиш тој пред тебе за се она кое си го погрешил? Нормално е да му го предадеш она за кое си се борел со животот на оној кој пукал во тебе само за да останеш на власт?
Нормално е да се исмеваш со оној чиј јазик си го исекол и да му велиш “Збори бе. Те слушам“?
Нормално е попот во црква да ми каже како да гласам?
Не е нормално. Лудо е. Тие луди. Ние збунети. Имаше некоја поговорка за луди и збунети. Ама не ми текнува сега. Збунет сум…