Микронезија руши рекорди во историјата на фудбалот. Но не поради својата ефикасност, туку поради своите порази, откако на Пацифичките игри се надмина себе си во поглед на поразите и прими 46 гола од Вануату а не постигна ниту еден во спротивната мрежа.
Светскиот рекорд на фудбалската репрезентација на Фиџи, односно победата над Микронезија од 38:0, во сила беше само два дена.
Турнирот селекцијата на Микронезија го заврши со три порази и гол разлика 0:114, откако на стартот со 30:0 беа поразени од Тахити.
Останува нејасно дали ФИФА ќе го признае рекордот на Вануату бидејќи на Пацифичките игри учествуваат фудбалери помлади од 23 години.
Инаку официјалниот рекорд е во сопственост на селекцијата на Австралија која во квалификациите за пласман на Светското првенство во 2002 година славеше над Американска Самоа со 31:0.