Базенот „Плаја Виста“ -нов повод за високи тонови помеѓу ВМРО- ДПМНЕ и градоначалникот на скопски Центар Андреј Жерновски.
Владејачката партија го повика Жерновски да ја спречи урбаната мафија, односно Базенот „Плаја Виставо, после што градоначалникот соопшти дека инспекторите веќе дале налог за стопирање на изградбата и за отстранување на објектот .
Советникот на ВМРО-ДПМНЕ Томислав Лазаров побара од Жерновски да да ја спречи
дивоградбата:
-За оваа дивоградба која никнува во срцето на градот Скопје е донесено решение за стопирање на градбата, но Андреј Жерновски како градоначалник не постапува по истото. Дали зад оваа дивоградба стојат лица блиски до Жерновски и до функционери на СДСМ и дали бизнис интересите се единствената и најголема причина поради кој оваа дивоградба никнува?
Жерновски соопшти декаод изведувачот „СЕКТОР 909“ е побрано да го отстрани спорниот објект и да престане со градежните активности:
-Управителот Борче Гиновски до општина Центар испрати известување дека по приемот на решението постапил веднаш и сам го отстранил објектот и престанал да врши реконструкција на објектите околу базенот, самиот базен и земјиштето и дека не е потребно од страна на Општината присислно извршување. Значи не е точно дека ги игнорирам одлуките на службите и на граѓаните.
Сепак, ВМРО ДПМНЕ незадоволен од овој одговор повторно го повика на одговорност Жерновски:
-Градоначалникот на скопската општина Центар Андреј Жерновски наместо да даде одговори на конкретните прашања и конкретната состојба, се обидува да се испере од одговорноста што на територијата на неговата општина никнува дивоградба во комплексот базени „Плаја Виста”. Доволно е, тој утре да дојде на базенот и да види дека секојдневно таму се одвиваат градежни активности и наместо да се прекине изградбата на дискотеката, таа забрзано се подготвува да профункционира, реагираше ВМРО-ДПМНЕ.