Синот на Субрата Рој, Сушанто Рој за време на престојот во Македонија добил македонско државјанство, дознава НОВА.
Портпаролот на МВР, Иво Котевски вели дека минстерството нема сознание дека на Сушанто Рој му е доделено државјанство. Сепак, Котевски вели дека постои законска процедура според која владата може да донесе одлука за доделување на државјанство.
Владиниот портпарол Александар Ѓорѓиев за НОВА ја потврди оваа информација.
„Врз основа процедурата предвидена во законот и врз основа на член 11 од Законот за државјанство, Владата одлучи да го прифати барањето на подносителот Сушанто Рој за прием во државјанство на РМ“, рече Георгиевски за НОВА.
Во член 11 од Законот за државјавство на РМ се вели:
„Странец кој ги исполнува условите од член 7 став 1 точки 1 и 8 на овој закон може со природување да стекне државјанство на Република Македонија ако тоа преставува особен научен, економски, културен, спортски или друг национален интерес. Владата на Република Македонија со уредба ќе ги утврди критериумите за особен научен, економски, културен, спортски или друг национален интерес за стекнување на државјанство во смисла на став 1 од овој член“.
>>Синот на Субрата Рој бара поддршка од државата и народот
Имаме големи планови со Македонија, очекуваме дека ќе бидеме поддржани од државата и од народот. Во 2014 или 2015 ќе бидете во можност да видите многу градби и активности. Тоа е нашиот план за Македонија, подготвуваме голем тим кој ги разгледува сите проекти што ќе ги работиме тука, рече Сушанто Рој за време на престојот во Македонија.
Инаку, Сушанто Рој, синот на индискиот контоверзен бизнисмен Субрата Рој, кој во својата земја се гони за криминали.