Никој не е против средби и разговори, но изненадува брзината со која минатата недела во Ниш дошло до контакт на претставници на Македонската православна црква – Охридска архиепископија (МПЦ-ОА) и на Српската православна црква (СПЦ), изјави за НОВА, познавачот на односите меѓу двете цркви Бранко Ѓорѓевски, потврдувајќи притоа, дека според негови сознанија, за средбата сепак имало амин и од Вселенската патријаршија.Коментирајќи ја изјавата на Зворничко-тузланскиот епископ Фотиј дека начелно веќе е договорено канонско единство и дека требало да се реализира веќе на Соборот на СПЦ, во мај, Ѓорѓевски вели: дилемите што се отвараат се дали под канонско единство се подразбира единство под плаштот на СПЦ или е нешто што би водело до засебен автокефален статус на МПЦ-ОА, што би било единствено прифатливо вели тој.
„За вакви решенија треба да биде информиран поширок круг од владици, верници, па конечно и граѓаните.Никој нема против средби и разговори но некој треба да објасни што значи тоа канонско единство кое отвора многу дилеми кои бараат аргументирани одговори бидејќи влогот е голем, вели Ѓорѓевски
НОВА го контактира и портпаролот на Синодот на МПЦ-ОА, Владиката дебарско-кичевски Тимотеј. Ни рече дека тој не знаел ништо за средбата во Ниш, ниту кој бил таму ниту пак дали ќе заседавал Синодот, а вели штом има написи за тоа, сигурно дошло до средба на одредени владици за кои јас не знам.
Од информации на НОВА, дознаваме дека утре (вторник) , за оваа тема ќе заседава синодот на МПЦ-ОА а во недела на 15 мај, Синодот на СПЦ.
Изненадната средба за повеќе мина отвора многу дилеми и се во очекување со какво образложение ќе излезе македонскиот синод по утрешната седница. Факт е вели Ѓорѓевски, дека вселенскиот патријарх Вартоломеј на наши претставници им сугерирал да ги затоплат односите со СПЦ. Но, сепак она за што постои дилема е дали за автокефалниот статус на МПЦ-ОА ќе решава само Вселенска патријаршија, како што подолго време се коментираше во црковно-земските кругови, или за тоа Томосот треба да го аминува СПЦ.
(М. Трпческа)