Синоќа пред полноќ во селото Дубона кај Младеновац, 21-годишниот У.Б. уби осум, и повреди 13 луѓе.
Нападот почнал во селото Дубона, кога младиот човек почнал да пука од автомобил во движење со автоматска пушка, а потоа пукал и во селата Мало Орашје и Шепшин.
По полициската акција за потрага по осомничениот, насловена „Вихор“, во која учествуваа повеќе од 600 припадници на МВР, уапсен е сторителот Урош Б. кој и претходно имало пријави за насилство.
Ранетите се пренесени во Ургентниот центар на Клиничкиот центар во Белград, клиничкиот болнички центар „Драгиша Мишовиќ“ и општата болница „Свети Лука“ во Смедерево.
Двајца од оперираните во КБЦ „Драгиша Мишовиќ“ се во животна опасност, осуммина од Ургентниот центар во Белград се стабилни, додека четворица починаа во Смедерево, две лица се пренесени во Белград, а три се оперирани.
Вооружениот напад во Дубона е второ масовно злосторство во изминатите три дена во Србија откако во средата, на 3 мај, во утринските часови, тринаесетгодишен ученик од белградското основно училиште „Владислав Рибникар“ со пиштол уби осум ученици и еден чувар, а рани седуммина.
Напаѓачот во синоќешниот случај наводно влегол во конфликт со децата и затоа пукал, вели сведок од Дубона за порталот Нова.рс. Почнал да пука од Дубона, а потоа посетил уште две села. Убиен е полицаец кој се обидел да го спречи. Убиена е и сестрата на полицаецот.
Мештаните на Дубона велат дека таткото на напаѓачот бил полковник и дека напаѓачот „било добро момче”.
„Не бил проблематичен, секогаш изгледал како мирно и добро дете. Татко му дошол овде за Велигден и купил свиња“, раскажува локален жител за Курир. Татко му наводно работи во Белград, на висока позиција во војската.
Во викендицата што ја користел убиецот е пронајдено поголемо количество оружје и муниција, а се е одземено, јавува Блиц.
Во Дубона кај Младеновац е убиен полицаецот М.П. (22) и неговата сестра К.П. (19) и Д.Т.(25) Во друга област Смедерево починал М.М. (18), Н.С. (21), Л.М. (20), Н.М. (15) и А.М. (18).