Министерството за образование и наука ги донесе новите наставни програми кои се темелат на новата Концепција за образование по кои од идната година ќе учат учениците од прво одделение, а се во согласност со Националните стандарди, подготвени од Бирото за развој на образованието во изминатите две години.
– Во текот на целиот процес на изработка на програмите, работните групи се консултираа и со експерти од области на коишто се темели новата Концепција: родовата еднаквост, инклузивноста и мултикултурализмот, како и за заштитата на животната средина, почитување и заштита на правата и слично. Целата работа на работните групи беше координирана и водена од дел од експертите кои ја подготвуваа Концепцијата за да се обезбеди усогласеност на наставните програми со Концепцијата и со сите стратегии и пристапи на настава и учење коишто се промовираат со неа, се вели во соопштението на МОН.
Од таму дообјаснуваат дека за секоја тема/подрачје од наставните програми се предвидени резултати што секој ученик треба да ги постигне, преку усвојување на наведните содржини и поими, а наставникот ќе ги следи и вреднува постигањата на ученикот преку дадените стандарди за оценување.
Од МОН истакнуваат дела продолжуваат со активностите, со обука на наставниците, изработување на наставни материјали и дидактички насоки со поддршка на сите чинители во образованието.