Нови протести започнаа денеска во 10 часот на главниот плоштад во Вуковар каде се собраа околу 500 демонстранти.
Протестите ги предводи здружението на хрватските бранители „Стожерот за одбрана на хрваски Вуковар“, кое е против воведувањето на двојазични табли на институциите.
Пред почетокот на протесната поворка на новинарите им се обрати претседателот на Стожер, Томислав Јосич, кој помина 24 часа во притвор по случувањата во понеделникот, кога насилно со чекан беа искршени двојазичните табли.
>>Состојбата во Вуковар доведена до точка на вриење
Полицијата кон него се однесувала коректно, исто како и кон останатите осуммина приведени.
„Не е точно дека демонстрантите ја нападнаа полицијата. Имаше турканица, но мислам дека се беше коректно“, рече Јосиќ и рече дека жали доколку некој во турканицата бил повреден.
Уставниот закон за заштита на правата на националните заедници и малцинствата налага секое национално малцинство кое сочинува над една третина од населението на некоја локална самоуправа да има право и на нејзиниот јазик да бидат поставени јавни натписи и ознаки.
Според последниот попис на населението, во Хрватска има околу 20 општини и градови во кои припадниците на српското малцинство го сочинуваат повеќе од една третина од населението.
Најголемиот отпор кон кирилицата е токму во Вуковар и потекнува главно од десните партии и здружениејата на ветераните од последната војна.