Независното здружение на новинари на Србија-НУНС изразува солидарност со новинарот на дневниот весник „Нова Македонија“, Томислав Кежаровски, кој во понеделникот започна со штрајк со глад во затворот „Скопје“.
НУНС го поддржува барањето на македонските новинари Кежаровски да се пушти да се брани од слобода.
Констатирајќи дека голем број организации го осудиле апсењето на Кежаровски, од НУНС потсетуваат и дека ОБСЕ посочила дека затворањето на Кежаровски има негативен ефект на слободата на печатот и дека на новинарите мора да им биде дозволено истражувачко новинарство за прашања од јавен интерес, без закани од затвор и без присилување да се откријат изворите.
>> Кежаровска за НОВА: Нема кој да ми каже како е Томче
>> Новинарот Кежаровски штрајкува со глад во затворот
Кежаровски беше уапсен на 28 мај во полициската акција „Ликвидација” под сомнение дека пред пет години незаконски го објавил идентитетот на наводен заштитен сведок во случајот со убиството на старецот од велешкото село Ореше.
Кежаровски од понеделникот штрајкува со глад и бара институциите да одговорат дали ќе го прифатат неговиот имот којшто го даде како гаранција да се брани од слобода