Во среда со почеток од 21:30 часот во „Менада“ (Стара скопска чаршија), Скопски џез фестивал го промовира новиот компакт-диск „Dog Show“ на македонските Летечки Пекинезери.
Албумот на кој се наоѓаат 11 композиции е снимен, миксан и продуциран од страна на Ален Хаџи-Стефанов и Летечки Пекинезери. Дизајнот на обвивката е на Руки. Промоцијата на “Dog Show” ќе биде збогатена со настап на групата во живо.
Џез-квинтетот који го составуваат Бојан Петков – гитара, Иво Солдатовиќ – кларинет, Петар Христов – тенор саксофон, Кирил Туфекчиевски – контрабас и Славчо Коцев – тапани помина низ многубројни значајни џез-фестивали од типот на традиционалното Блуз и џез-рели како и на светскиот интернет фестивал „Made in New York“.