Тешки борби избувнаа во областа помеѓу Дамаск и израелско-Голанската висорамнина во средата, што би можело да биде ново бојно поле помеѓу сириските војници и бунтовниците, известуваат извори на опозицијата.
Според цивилните активисти и воените извори на опозицијата, бунтовниците ги нападнале армиската касарна раководена од Републиканската гарда и Четвртата Подвижна Дивизија, предводена од братот на претседателот Башар ал-Асад, Махер, во Кан Шеик, 6 илометри од предградието на Дамаск.
Судирите се интензивираа три дена откако сунитските муслимански бунтовници зазедоа ракетна ескадрила во истата област, при што загинаа 30 војници, претежно од малцинските групи на ал-Асад, изјавуваат изворите.
Во регионот, исто така се наоѓа палестински бегалски камп.
Главниот фронт околу Дамаск се источните предградски населби. Силите на сирискиот претседател направија неколку упади во Дараја на автопатот кон Јордан, но не беа во можност да го заземат, тврдат извори на опозицијата.