Едвард Сноуден подели од 50 000 до 200 000 документи на новинарите, изјави генералниот директор на НСА, Кејт Александер.
По говорот на собирот во Балтимор одржан на 31 октомври, пренесува денес Ројтерс, следеа прашања и одговори, по што Александер бил запрашан што прават властите на САД за да го спречат Сноуден од евентуално откривање на уште доверливи документи на новинарите.
„Би сакал да постои начин да го спречиме тоа. Сноуден подели помеѓу 50 000 до 200 000 документи до новинарите“, изјави Александер а неговиот одговор речиси и не беше забележан од јавноста, наведува Ројтерс.
Александер нагласува дека тие документи „им причиниле максимална штета на НСА и САД“.
Според американските претставници, ниеден од материјалите објавени од Викиликс пак, немал поголема ознака од „доверливо“, додека документите на НСА обелоденети од Сноуден имале ознака „строго доверливи“ или пак имале печат за максимална тајност.
Тие материјали вклучуваат и технички детали за шпионските активности на САД и нивните сојузници.