Американскиот претседател Барак Обама ги одржа неуспешните разговори со претставниците на Репубкликанците за да се реши должничката криза.
После еден час преговори, челникот на републиканскиот претставнички дом Џон Боехнер рече дека претседателот одбил да преговара, додека пак демократите Хари Реид и Ненси Пелоси рекле дека Републиканците се обиделе да го уценат претседателот.
„Огорчен сум при помислата дека, ако јас речам 20 милиони луѓе не може да имаат здавствена заштита, Републиканците нема да ги отворат владините институции. Тоа е неодговорно“, истакна Обама, кој испрати порака и до финансискиот сектор велејќи дека Вол Стрит мора да биде загрижен поради тоа што конзервативниот дел на Републиканците се подготвени да го направат.
Белата куќа во вторникот нареди затворање на американските владини агенции откако Конгресот, не успеа да постигне компромис околу сметките пред полноќ по американско време. Ова е првпат во последните 17 години во САД да се случи ваква ситуација.
Вработените во владините институции, чија работа се смета за неопходна за функционирање на државата, продолжија со работа, но без плата, додека над 700.000 работници од разни агенции отидоа на неплатен одмор.