Природно е Обединети за Македонија да коалицира со десниот блок, изјави денеска Љубе Бошкоски, претседател на партијата која денеска одржува централно собрание.
„На предвремените парламентарни избори ќе настапиме со партии од десниот политички блок. Според нашата јасна профилација како демохристијанска народна партија, природно е да коалицираме со десниот блок, доколку се договориме и доколку бидат исполнети условите кои ние јасно ги поставуваме за коалицирање“, рече Бошкоски.
Обединети за Македонија денеска го одржуваат првото централно собрание, по излегувањето на Љубе Бошкоски од затвор, на кое органите на партијата треба да реферираат за досегашната работа. Генералниот секретар на партијата, Раде Милососки изјави дека партијата и покрај сите притисоци ги зачувала сите 60 општински организации и најави дека борбата продолжува онаму каде што запрела пред 5 години.
Во десниот блок, Колицијата за промени и правда, членови се Демократскиот сојуз, ДЕМОС, ФРОДЕМ, а сепреговара со ВМРО-НП и со Достоинство.