Фестивалот на европски филм „Синедејс“ распишува конкурс за најдобра филмска критика. Рокот на пријавување е до 12 ноември 2014 година.
Конкурсот е од отворен карактер, а добредојдени се сите млади кои би сакале да го прикажат својот потенцијал и талент за пишување во овој специфичен новинарски израз а се на возраст до 35 години.
Текстовите не би требало да се подолги од една страна односно повеќе од 70тина реда текст, а секој од пријавените може да испрати максимум до 3 рецензии.
Наградата за најдобрата филмска критика ќе изнесува 20.000 денари, а ќе ја додели тричлено жири. Конкурсот важи само за филмовите во натпреварувачките програми на фестивалот, Официјалната селекција како и селекцијата Cine Balkan.
Заинтересираните може да се пријават на следнава електронска адреса: contact@cinedays.com.mk
Oваа година, 13-то издание на фестивалот на европски филм ќе се одржи во периодот од 13 – 22 ноември, 2014 година.
>> „Синедејс“ филмски фестивал од 13 ноември, ќе се прикажат над 100 филма