Десеттиот по ред Пиволенд, ќе се одржи од 7 до 12 август на Скопското кале. Македонската култна група САФ, српските групи Ван Гог, САРС и Негатив се само дел од музичката програма.
– За љубителите на фудбалот, на 7 и на 8 август, со оглед на тоа што во исто време се одржува Суперкупот, подготвени се повеќе содржини во кои ќе може да уживаат во навивачка атмосфера – рече градоначалникот на Скопје, Коце Трајановски.
Градоначалникот Трајановски на прес-конференција соопшти дека годинава „Пиволенд“ ќе биде вовед во нова манифестација во главниот град – „Супер Скопје“. Ја најави како голема летна забава во четири петоци и саботи, почнувајќи од 18-19 август до 8-9 септември.