Американскиот претседател Доналд Трамп за Тв Фокс њуз ја откри содржината на писмото што Џо Бајден го оставил во фиоката на неговото биро во Овалната соба:
„Почитуван претседателе Трамп,
Додека се збогувам со оваа света функција, вам и на вашето семејство ви посакувам сѐ најдобро во следните четири години.
Американскиот народ и луѓето ширум светот бараат од овој Дом цврстина во неизбежните бури на историјата и тоа е мојата молитва следните години да бидат време на просперитет… …мир и благодат за нашата нација, нека ве благослови и води Бог како што ја благослови и ја водеше нашата сакана земја од нашето основање“, стои во писмото на Бајден.
Писмото е потпишано: „Џо Бајден“ и датира од 20 јануари 2025 година.
Претседателската традиција на оставање писмо до наследникот започна во 1989 година кога претседателот Роналд Реган ја напушти Белата куќа по два мандата на функцијата, а Џорџ Х.В. Буш ја презеде. Традицијата продолжи преку претседателите Бил Клинтон, Џорџ Буш, Барак Обама Трамп и Бајден.