Комесарот за проширување Јоханес Хан утре во Скопје на одвоени средби со премиерот Груевски и лидерот на СДСМ ќе разговара за неговата идеја во решавање на актуелната политичка криза да се влучат европратеници од двете најголеми политички групации во Европскиот парлемент, Европската народна партија и Европските социјал-демократи.
Оваа идеја на Хан е инспирирана од успехот кој делегација на ЕП го постигнала во посредување на надминувањето на разликите меѓу власта и опозицијата во Албанија каде што беше целосно прекинат политичкиот дијалог меѓу најважните полтички субјекти. Хан за оваа идеја веќе разговарал со европратеници од кои добил уверување дека кај нив постои расположение за реализација на оваа идеја.
-Кристално е јасно дека политичкиот дијалог мора да се води во парламентот и барам од сите политички партии дебата таму да водат. Но, затоа побарав од политичките парии во Европскиот парламент (ЕП) сличен напор како оној што успешно го направивме во Албанија каде што европските претставници, Кукан и Флекенштајн, успеаа да дојдат до договор кој водеше до враќање на опозицијата во парламентот и тоа е добар пример. И бидејќи се работи за парламент, логично е тоа да го направи ЕП а не Европската комисија. Тие се спремни тоа да го направат и се надевам ќе бидат успешни, изјави денес Хан пред заминувањето за Скопје.
Хан ја пренесе пораката која во вторник ќе им биде соопштена на политичарите во Македонија:
– Нашата препорака е кристално јасна. Овие области треба да се остават на луѓето кои за нив се одговорни. Како на пример судскиот систем. Не е задача на политичарите да судат. Тоа е задача на судството. Се обидуваме да бидеме проактивни и да видиме што треба да направат одговорните власти. Тие треба да ги почитуваат принципите на правната држава, додаде комесарот.
Хан добил совет да не оди во Македонија во оваа ситуација:
– Решив да одам иако некои ми велеа да не одам сега. Но ја донесов спротивната одлука и решив да одам. Важно е да разговарам со лидерите таму за да ја видам ситуацијата
Хан не сакаше да го коментира скандалот во Македонија но додаде дека според него “се што води до транспарентност и повеќе транспарентност може да креира решение”.
Комесарот ја спомена работата на Венецијанската комисија која направи извештај за уставните промени кои беа неодамна изгласани:
– Тој извештај не бил почитуван или барем не доволно почитуван. Ние имаме но многу докази дека сите овие иницијативи во текот на долги години креираа клима која води до промена на ситуцијата во земјата и се надеваме тоа ќе биде скоро. Затоа, во земји во трансформација, поддржуваме невладини организации кои се важен дел кога се работи за развој на оштествата во добра насока. Ми се чини дека не треба само една мерка која води до саканиот резултат, туку повеќе мерки. Ова е еден вид слагалица. Треба да бидеме строги, амбициозни, но не и наивни и да имаме трпение. Важно е да не се заборави финалната цел која мора да ни остане пред очи, ја заврши Хан својата порака до Македонија.