Во септември ќе се прави проверка на ажурираниот избирачки список од неколку експерти од ОБСЕ/ОДХР за да се утврди состојбата и да се расчистат сите сомнежи околу списокот.
По состаноците со претставници на партиите и институциите, ОДИХ ќе се состане и со луѓето кои работат на ажурирање на податоците. Од ДИК велат дека иако нема поголеми проблеми околу избирачкиот список, сепак се согласни дека проверката од меѓународни институции е добредојдена.
Од МВР истакнуваат дека во период од една година биле издадени 53.039 лични карти, но непозанто е дали истите тие лица биле внесени во избирачкиот список.
НОВА за време на локалните избори го истражуваше феноменот гласачи од Пустец во општина Центар и дојде до сознанија дека личните карти на жителите на Пустец биле издавани непосредно пред изборите, а сите имаа адреси на станови кои се во сопственост на Јавното претпријатије за стопанисување со станбен и деловен простор. Повеќето лица беа пријавувани по десетина лица на една адреса, а имаше и такви чии живеалишта беа на адреса на државни институции.