Судечкиот совет, предводен од судијката Софче Гаврилова Ефремова, пресуди и дека правното лице „Меѓународниот сојуз“ има вина во случајот во кој првообвинет е Бојан Јовановски кому денеска му пресуди затворска казна од девет години. Невладината ќе треба да плати еден милион денари
Обвинителката во судскиот предмет за измама на бизнисмените Силјан Мицески и Ардијан Амзоски и за перење пари, Ивана Трајчева, вели дека ќе ја обжали пресудата затоа што не било јасно како судот не утврдил кои се дејствијата со кои обвинетата Фросина Ременски придонела за да се склучат договори со бизнисмените.
Таа го сторила делото, бидејќи самите оштетени посочија дека токму поради нејзината личност, функцијата која ја извршувала во тој момент, се потпишале договори. Кога ги имате овие два факти кои судот сам ги прифати, навистина не знам како судот донел заклучок дека Обвинителството во текот на постапката не докажа дека го сторила делото кое и се става на товар, изјави обвинителката. и додаде дека не знае кои се причините за ослободителната пресуда за Ременски со кои дополнително ќе се запознае откако детално ќе ја разгледа пресудата на судечкиот совет во овој предмет во кој Бојан Јовановски за измама и за перење пари доби девет години затворска казна.
Невладината на Боки 13 казнета со еден милион денари
Судечкиот совет предводен од судијката Софче Гаврилова Ефремова пресуди и дека правното лице „Меѓународниот сојуз“ има вина во случајот во кој првообвинет е Бојан Јовановски кому денеска му пресуди затворска казна од девет години.
Невладината ќе треба да плати еден милион денари. Пресудата не е правосилна и засегнатите може да се жалат во скопска Апелација.
Во судскиот предмет „Меѓународен сојуз“, кој почна пред две години, беа обвинети петмина поради измами на бизнисмените Силјан Мицевски од градежната компанија „Пелистер“ и Ардијан Амзоски од „Дрим билдинг“ кои инвестирале околу еден милион евра во проект за изградба на Европски центар за возрасни лица. На Јовановски како претседател на невладината Меѓународен сојуз му беше изречена највисока казна, а пратеничката Фросина Ременски доби ослободителна пресуда.
(С.М.)