Обновени се летовите на редовната авионска линија Софија-Скопје-Софија.
Првиот лет на бугарската авиокомпанија „ГуливЕр“ ќе биде на 26 март 2022 година. Авиокомпанијата ќе има редовни летови на релација двапати неделно, во сабота и во понеделник.
„Обновувањето на летовите меѓу Бугарија и Северна Македонија е важен чекор за подобрување на транспортната поврзаност меѓу двете земји. Оваа заложба беше преземена од бугарската влада и веќе е реализирана благодарение на нашето добро партнерство со мојот македонски колега Благој Бочварски“, коментира министерот Николај Шабев, цитиран од неговиот прес-центар. Шабев нагласи дека се работи и на тоа што поскоро да се изгради железничка врска меѓу двете земји.
Како што веќе е објавено на веб страницата на авиокомпанијата, летот ќе трае час и половина. Цената на билетите во еден правец се движи од 35 евра. Картата за враќање од Спофија кон Скопје чини 28 евра, цена во која е вклучен само рачниот багаж. За оние патници кои сакаат флексибилен билет и чекиран багаж до 23 килограми цената на билетот во еден правец се движи од 78 евра па нагоре.
Авиолинијата, симболично беше пуштена на 11 февруари, кога со авионот на Гуливер во Скопје допатуваа бугарскиот министер за транспорт и врски Николај Шабев и министерот за туризам Христо Проданов. Во име на Северна Македонија, на летот беа и министерот за транспорт и врски Благој Бочварски, министерот за локална самоуправа Горан Милевски и Размена Дуровиќ, државен секретар во Министерството за економија.