Адвокатот Тони Менкиноски кој е правен застапник на осомничениот Јордан Камчев преку соопштение до медиумите информира дека поднел кривични пријави за Судијата на претходна постапка и Кривичниот совет кои одлучија за продолжувањето на мерката притвор, пред пет дена.
Тој обвинува за злоупотреба на тајните служби за местенки на граѓани.
Менкиноски наведува дека притворот е одреден врз основа на усмен исказ на доушник и дека до сега на одбраната не и е презентирана белешката составена од тајната служба односно од АНБ, што е прекршување на правата на неговиот клиент.
– Во решението на Кривичен стои дека Камчев во февруари годинава се сретнал со разузнавач од Бугарија, припадник на служба за безбедност со која и претходно соработувал и се претпоставува дека ќе има поддршка за бегство во соседна Бугарија, се вели во писмото на Менкиноски до медиумите, каде додава и дека Камчев никогаш ниту бил, нити имал намера да биде соработник на каква било странска служба.
Одбраната на Камчев обвинува за пристрасно, незаконско, скандалозно и тендециозно судење, киднапирање, тортура и незаконити докази.