Според Владата на Србија, претставниците на Белград и Приштина утре на нов состанок во Брисел.
Најпрво било планирано да доколку двете страни бидат близу постигнување договор, високата претставничка на ЕУ, Кетрин Ештон, во склоп на својата балканска турнеја, во среда да допатува во Белград.
Според РТС, кои се повикуваат на дипломатски извори, евентуалната средба на Ештон со делегациите на Белград и Приштина ќе зависи од можноста за договор за надлежностите на заедниците на српските општини.
Министерката за европски интеграции на Косово, Вљора Читаку, исто така на својот Твитер профил објавила дека делегациите на Белград и Приштина утре ќе се сретнат во Брисел, и се надева дека „оваа прилика нема да биде пропуштена“.
Со средбата во Брисел, извештајот за напредокот на Србија најверојатно ќе биде одложен на неколку дена, така што би се обезбедило време за продолжување на разговорите , јавува Ројтерс.
Извештајот за Србија денес требаше да биде презентиран од страна на европскиот комесар Штефан Филе, во кој ќе беше презентиран напредокот во внатрешните реформи, регионалните соработки како и напорите за борба против корупцијата и организираниот криминал во последните шест месеци во Србија.
Во извештајот е предвиден и краток осврт на дијалогот помеѓу Белград и Приштина.