На посетата на шефот на македонската дипломатија Никола Поповски на Берлин, пренесена е и порака од ЦДУ-ЦСУ- германскиот интерес за разрешување на спорот со името, зашто „постојаното чекање носи закани за внатрешната стабилност на земјата“, дознава Дојче Веле на македонски.
На Поповски му биле и пренесени и критики од страна на Демохристијаните: не се гледа само проблем на Македонија со Грција, туку забелешки биле упатени и на големиот број споменици на Александар Велики и антиквизацијата кои воопшто не придонесуваат за релаксација на ситуацијата.
Пораката која е испратена, како што јавува Дојче Веле, повикувајќи се на извор, била:
-Работите со Александар беа доволни и добро ги разбравме! Ајде сега да се расчисти проблемот со Грција, па ние во Бундестагот колку што е можно поскоро да дадеме зелено светло со кое ќе може да се дојде до датум за пристапните преговори на Македонија со ЕУ, му било кажано на шефот на македонската дипломатија од страна на Демохристијаните.