Не е лесно да разговарате со инвеститори и да ги замолите да ги сочуваат сите вработени, поготово во ОХИС каде што се работи за една бројка од 800 работници, изјави министерот за економија, Ваљон Сарачини, како одговор на новинарско прашање дали ќе се сретне со синдикатот на ОХИС и зошто не оди на протестите кои речиси секојдневно се организираат во фабриката.
На прашањето за промена на временската зона во која се наоѓа Македонија, односно земјава да се најде во иста зона како и Бугарија и Грција, а со цел да се направат заштеди во енергетиката, министерот рече дека ова е предлог на бизнисот, односно на стопанските комори, при што дел од нив се согласуваат, а дел од нив не.
Тој најави дека во втората половина од јуни ќе има средба со трите стопански комори на која ќе се расправа како да се реализира овој предлог, а можно е тој и да се одбие ако не наиде на доволна поддршка.