Охридските опозиционери, инаку кандидати за пратеници на престојните парламентарни избори ги повикуваат нивните опоненти од ВМРО ДПМНЕ на ТВ дуел. Носителот на листа на ВМРО-НП во 5-та изборна единица, Ванчо Костовски отворено упати покана до носителот во петка на ВМРО ДПМНЕ, Антонио Милошоски во кој би разговарале за инвестициите и за работата на Владата во изминатите 8 години.
„Го викам зошто тој е малку постар ВМРО – овец од овие новопечените. Милошоски во Охрид доаѓа еднаш на три години, само за избори, а во Кичево два три пати годишно, затоа што потекнува од таму. Да го потсетам дека само пред две години неговиот премир спомнуваше дека на граѓаните во Р Македонија не му се потребни автопати, односно дека над 70, 80 % граѓаните патуваат по локални и регионални патишта, така да автопатот не беше потребен, а еден од нивните пратеници спомена дека изградбата на автопатот Охрид -Кичево е неисплатлива инвестиција. Ова беше искажано во 2011 год. кога ние како опозиција баравме изградба на автопати. Многупати сум бил до Кичево, но никако да го видам каде е камен темелникот за автопатот најавен во ноември и за кој поставија и камен темелник пред два месеци“, рече Костоски.
„Ние ги повикуваме господата од ДПМНЕ на јавна отворена дебата пред граѓаните на Охрид. Им стоиме на располагање за спротивставување на политичките мислења, ставови и програмски решенија на било кој медиум, на било која тема, во било кое време. Ајде да видиме, нека соберат храброст да се соочиме пред охридската јавност на дуел, на дебата, на емисија – било каде, било кога, со било кого, за било која тема. За разлика од нив, мене политичка партија не ме вработила и јас никогаш не сум сменал политичка партија за лични интереси“, вели Томислав Тунтев претседател на СДСМ Охрид и кандидат за пратени.