Скајп-интервју со олимпиецот Дарко Дамјановски
„Сами против сите, јас и тренерот сме и физиотерапевти и доктори“, вели македонскиот нордиски скијач Дарко Дамјановски во Скајп-интервју за НОВА пред почетокот на денешната трка.
Опишувајќи ја атмосферата директно од Сочи, Дамјановски вели дека таму пред почетокот на трките е лудница, и напомена дека секогаш го дава својот максимум но не се надева на медал.
Тој потенцираше дека не е во прашање желбата и мотивацијата, туку тимот и поддршката која Олимпијците ја добиваат од државата. Споредувајќи го тимот на Казахстан на кој што работат околу 15 луѓе за еден скијач, и неговите подготовки за натпреварувањето, македонскиот скијач вели разликата е 1 милион евра годишно.
За натпреварувањата на Олимписките игри, неговиот заклучок е дека тоа е показател колку сме далеку во подготовките, за разлика од другите земји.
Дарко Дамјановски осврнувајќи се на веста која се ширеше изминатите денови дека го продава својот „олимписки телефон“, вели се работи за една глупост, и дека не можел да поверува што некој ја искористил приликата да пишува околу неговата шега.
„Нема цена која може да го купи тој телефон“, рече Дамјановски.
Повеќе во видеото