Откако сопствениците на летниот ноќен клуб „Сектор 909“ соопштија дека властите незаконски им ја одзеле лиценцата за работа и биле предмет на повеќегодишни притисоци од инспекциите, па клубот престана со работа, на Интернет се појави петиција за зачувуање на клубот.
Како што објаснуваат организаторите на петицијата, важноста за оваа петиција е пред се за зачувување на урбаниот идентитет на Скопје, а дел од тој идентитет е секако и клубот кој придонесува во културната сцена на градот.
За поддршка и вклучување во петицијата на овој линк.
– Сектор 909 сака да ја извести јавноста и својата публика која е континуирано со нас во изминативе 15 години дека одредени групации здружени на политичка и бизнис основа прават натчовечки напори за да го задушат и уништат урбаниот ноќен живот во Скопје, притоа непочитувајќи ги сите закони и неводејќи сметка за општествениот културен живот и придонес кој клубот го има како нераскинлив дел од Скопје, соопшти неодамна клубот.
На „Сектор 909“ лиценцата му била одземена пред истекот на важноста а објаснување за тоа немало.