Денеска имаше реакција и од страна на Амбасадата на Холандија, исто така имаше и став од министерот за надворешни работи од холандскиот парламент која ја објасни поддршката на Холандија кон Република Северна Македонија за почеток на преговорите за ЕУ, и во делот на надминување на разликите и реформскиот пат имаме недвојбена поддршка од сите земји членки останува да разговараме само со Бугарија, изјави денеска министерот за надворешни работи Бујар Османи, одговарајќи на прашањето за тоа дали е вистина дека Холандија го поддржува бугарското вето која беше објавена бугарскиот весник „24 Часа“.
Министерот за надворешни по новинарско прашање, посочи дека предлогот за да се назначи екс премиерот Владо Бучковски како специјален претставник бил негов, односно на МНР во координација со премиерот, со цел да се врати довербата во Договорот меѓу двете земји посебно во услови кога нема амбасадор во Софија.
„По однос на Владо Бучковски, предлогот да се назначи специјален претставник беше и мој, и на МНР во координација со премиерот, со цел да се врати додадат дополнителни механизми во враќање на довербата и создавање на предвидливост во имплементација на Договорот меѓу двете земји, посебно во услови кога немаме амбасадор во Софија. Мислам дека улогата на еден таков мост на комуникација од профилот на поранешен премиер ќе даде порака дека сме сериозно посветени на билатералните односи, на имплементација на Договорот. Побаравме од Бучковски уште наредната недела да отпатува во Софија“, изјави Османи.