Сашко Богески, Македонецот кој во својот дом во Белград, во самоодбрана уби провалник е пуштен да се брани од слобода, пренесе српски „Блиц“.
Очекувањата на одбраната и на 40.000 луѓе кои ја потпишаа петицијата се исполнија, Сашко Богески ќе се брани од слобода. Тој на 21 мај во Белград го уби провалникот Владимир Маниќ, кој влегол во неговиот дом со цел да го ограби, а и е познат на полицијата како сторител на голем број криминални дела.
По повод овој случај во речиси во сите поголеми градови во Србија луѓето потпишуваа петиција за негово ослободување од притвор, но и за измени на кривичниот закон.
– Заспав после ручекот. Ми рекоа да си одам. Не верував дека тоа е вистина. Најпосле сум со своето семејство и сакам да го надоместам изгубеното време, вели низ солзи Сашко Богески .
– Им благодарам на сите пријтели, како на оние кои ги познавам со години, така и на овие новите, кои се 40.000. Би сакал сите да ги запознам. Сакам да им се заблагодарама на медиумите и на сите луѓе кои застанале во моја одбрана и во одбрана на моето семејство, вели Богески за „Блиц“.