Министерот за надворешни работи Бујар Османи, смета дека граѓаните на Бугарија на изборите кои се одржаа викендов кај нашиот источен сосед, го казнија Каракачанов и неговата партија поради анти-ЕУ политиката. Според него земјава не влезе во приказните на бугарскиот екс министер за одбрана.
Османи додава дека пораката што на изборите ја испратија бугарските граѓани е многу важна за нас, дека не сакаат блокирањето на ЕУ перспективата на Северна Македонија.
– Народот сака соработка меѓу двете земји, и се надевам дека тоа ќе се преточи во политички ставови на партиите кои добија глас, истакна министерот за надворешни работи Бујар Османи во гостување на „Клик Плус“ магазинот на ТВ21.