Последниот предлог на медијаторот Нимиц за името не задира во идентитетот и граѓаните мора да го знаат тоа.
Дебата за преговорите мора да има во јавноста, вели во саботното интервју за 24 Вести портпаролот на Демократската унија за интеграција Бујар Османи, наспроти тврдењата од нивниот коалициски партнер дека во моментов нема зошто јавноста да биде известена за идеите на Нимиц.
Компромис мора да се постигне, вели Османи, а доколку тоа не се случи набргу, ќе има последици и во земјава и во регионот.
Не се закануваме, но предупредуваме, тврди Османи.
Интервјуто на портпаролот на ДУИ ќе го гледате во централниот дневник на 24 Вести.