До Kабинетот на претседателот на државата Ѓорге Иванов се доставени неколку барања за помилување на осудени лица за случајот „27 април“.
Од Kабинетот на Иванов за МИА изјавиле дека последното од повеќето барања за помилување пристигнало во петокот во попладневните часови.
За терористичко загрозување на уставниот поредок и безбедноста беа осудени 15 лица кои добија вкупно казна затвор од 211 години.
На казна затвор од 18 години беше осуден поранешниот министер за внатрешни работи и директор на БЈБ, Митко Чавков , што беше и највисоко изречена казна.
На 15 години затворска казна беа осудени Митко Пешов, Душко Лазаров, Горан Ѓошевски, Мунир Пепиќ, Јане Ченто, Никола Митровски – Кољо и Влатко Трајковски, Вилијам Михајловски беше осуден на 14 години, Оливер Поповски на 13 години, Младен Додевски, Горанче Ангеловски и Игор Југ на 12 години, ,Оливер Радулов на 10 години, Александар Василевски Нинџа на осум години, Абдулфета Алими на седум години.
Мандатот на актуелниот претседател Ѓорге Иванов истекува на 12 мај годинава. Неговиот наследник треба да се добие по претседателските избори што ќе се одржат на 21 април и 5 мај.
Премиерот Заев денеска рече дека не очекува Иванов да даде аболиција бидејќи пред се, не постои таква можност.