Отказ од работа поради лоша изјава заработи кандидатката за градоначалник на Велес од првиот изборен круг Тања Петровска од Социјал- Демократската Партија. Со оваа информација излезе нејзиниот противкандидат од првиот изборен круг, Аце Коцевски од СДСМ, јавува Телма
Имено, вчера Петровска излезе на прес да објави поддршка на кандидатот на ВМРО- ДПМНЕ Славчо Чадиев со отстапување на своите 122 гласа од првиот изборен круг, но како што објави Телма ТВ, се работи за несмасна изјава која беше предмет на лавина реакции во медиумите и на социјалните мрежи.
Петровска беше кандидат во првиот круг, не се промовираше ниту еднаш, а на вчерашното прво појавување во јавност на кое му ги преотстапи своите 122 гласа од првиот круг на Чадиев, го исчита напишаниот дел од изјавата, но не се снајде кога требаше да одговори на новинарски прашања.
Но, од друга страна, доаѓа демант од скопската општина Кисела вода каде таа е привремено ангажирана- тврдат дека договорот со Петровска се уште трае и истекува на 30 април, што било потврдено и од самата Петровска.